Les jardinsl' machine à glachons
par minloute le, 27/03/2006au début du frigidaire , in diso pas réfrigérateur, et pourtant frigidaire chéto eune marque, l' grante fierté d' ché gins chéto à l' apéritif d ' sortir du frigidaire, l' boite à glachons, mais chéto eune aventure , j' me souviens de chti qu' in avo al' mason , chéto eune barquette en fer du qu' on avo mi de l' io et pi d' sus i avo comme un quadrillache in fer cha permetto d' faire ché alvéoles pour ché glacons, pi y avo eune poignée toudis in fer, que té devo l'ver pi arbaisser , d' abord té preno eune serviette vu que l' manche i éto tout fro, pi t' essayo
au bout d eune paire ed coups , té savo que té devo djà met' l' machine à glachons dins l'' évier, ouais pasque i a des coups t' appuyo trop fort alors l' barquette ale s' in allo dins coup à l' aut' bout del cuisine, ou alors , l' pire, t' arrivo enfin à c' que ch' manche i ardechinte et qui coupe ché glachons ,'mais ché glachons cha parto dins tous les sens aussi, alors nous in a vite abandonné ché glachons , in voulo pas d' accidents domestiques, pi in in avo marre , min pere aussi d 'ailleurs, d entendre toudis "merte" juste aprés que l' boite ale a valdingué à deux metes .....
j'comprin pas bien el famille minloute ché bacs a glachons qui parle, j'min suis servi y pas incore longtin y a rien de plus facile par contre il fallo les passer sous l'iau 30 secondes et un gosse de 5ans y arrivo alors minloute qu'est ce qui t'arrive
