Les jardinsin avo pas d' vélomoteur mais chéto tout comme
par minloute le, 18/04/2006in voulo imiter ché grands ou ché parints qui passotent à mobylette din l' rue, souvint l' drole ed casque ou plutot d' demi casque avec deux grandes lanières en cuir ed chaque coté , que t' avo l' impression que chti qui conduiso l' mobylette i avo sus' tiete eune motié d' oeuf rattaché as' tiete par eune sangue , sans oublier l' cigarette roulée au bec, et ché godillots à fermeture éclair au milieu , et là t avo l' habillache traditionnel du conducteur d' mobylette
nous in avo pas d' moteur, bon i avo cor du pétrole à cht époque là, chéto avant la crisse ed 1973 , mais in avo djà des idées
in coincho eune feule à papier avec eune épingue à linche qu in avo piqué à grand mère, pi in s arringeo pour que l' feule ale arposse sur ché rayons du vélo et dés qu in commincho à rouler cha faijo in bouquant du diape, alors si in plus in s amuso à juer avec l'sonnette du guidon, là chéto sport ....
