Les jardinsEl vélo à frein au moyeu
par Ch'Zio le, 24/04/2006In complémint à l'article d'Minloute su l'roue lib', j'voudros i dire que min père i avot un vélo d'chelle sorte la. In l'appelot vélo avec frein au moyeu.
L'moyeu d'el roue arrière i avot au moins six à huit cintimètres ed diamèt' (photo).
I avot bien eine roue lib' qui s'comportot, in marche avant, comme toutes ches roues lib à cliquets des vélos ordinaires. Mais, si in essayot d'pédaler in arrière, ech pignon i enclenchot des patins qui frottotent sur l'intérieur du cylindre d'ech moyeu. Ch'étot très efficace et durot très longtemps, sans aucun réglache.
Cheux qui sont intéressés i peuvent aller vir sur Google et taper " frein au moyeu" ou "rétropédalage". I verront qu'achteure i a même des moyeux avec eine boîte ed vitesses à l'intérieur, commindée par un levier placé su ch'guidon.
( 1 photos)
