J'sus continte de Annie D-Pailliot
par annie62110 le, 27/04/2006Aujourd'hui j'sus continte l'5 mai les 4 jours ed' Dunkerque y arrivent à Henin, mi qu'y a ker l'cyclisme cha m'fait plaisir, j'va bientôt avoir 60 ans et d'puis l'âge ed six ans j'ai pas loupé un tour de France.
y faut dire que din ché mines ch'éto eune institution, in rato pas eune étape, incore aujourd'hui quand che ché zetapes ed montagnes mes garchons y savent qui faut pas imbêter maman al est au spectacle, j'ai pas oublié non plus q'din ché tabacs in juo al mallette, chti qui avo el numero du gagant d'l'étape y rimporto la mise, in co j'lai gagnée j'éto continte!
J'aimo bien ché coureurs, mais min préféré cheto Bernard Hinaut, cha cheto un teigneux y'allo toudi au bout de c'qui faiso.
J'ai jamais oublié l'championnat du monde à Sallanches, quand y'a laisse Moser sur plache cheto du grand art, à ch't'heure d'puis qu'Jaja y'a arrêté, j'attin d'vire arriver un Français à ch'niveau la
enfin tout cha pour vous dire qu'j'su mordue, de ch'premier au dernier, quand y'zont fini eune étape y zont el même nombre d'kilomètres din les gambes, ché pas pour rien qu'on les appelle ché forçats d'la route.