Yéyé de Annie D-Pailliot

16 ans eune tiote jupe à carreaux rouches et noirs un corsache à jabot, des tiots escarpins noirs, eune coiffure in chou fleur et des couettes qui ché? Sheila! et non ché mi j'sus yéyé, ach't'heure j'ai pu d'amis j'ai des copains et des copines.
Tous les jours su ch'transistor,in ecoute salut les copains, ché zidoles du momin "Johnny, Sylvie, Richard Anthony, Nancy Holloway, Hervé Vilard, les Surfs, Franck Alamo,etc", min preféré à mi ché un tiot breton Alain Barrière, j'ai s'photo din min porte cartes in plastique, quand y cante "ma vie" j'su aux anches.
In danse el rock, el jerk, el twist, el madison. Din tout ché villes y'a des bals, des cinemas cha occupe el jeunesse.
J'vous dis pas l'tiête des parins passer d'Luis Mariano à cha ché pas evident, in plus in leur demande toudi des sous pour acater des 45 tours, et ché malheureux y zont pas fini, y'a eune binde d'inglais qui va les faire hurler ché les Beatles, avec leur coupe ed'cheuveux, y'a d'quoi dire et y vont pas sin priver. Mais comme din toutes ché generations y faut qu'jeunesse à s'passe, et bin nous in n'in profite autant qu'in peu, n'impeche que j'su sure que l'plupart ed nos canteux y s'ront toudis la din 40 ans

mi j'étos abonné à salut les copains et y avot au milieu un poster, chés campes ales étotent artapissées à peu d' frais

mais mi min préféré d' l'époque que t'as oublié Annie, chétot Claude François, Clo Clo j'avos comme ti eune photo dins un porte carte .. j'étos intarrissape su l' vie à clo clo, in est toutes parelles chés garnoules quand in est jones, in a toudis eune idole
et ché vrai qu' toutes chés vedettes yéyé ales ont passées les époques pour la plupart et qu'achteure chés "nouvelles stars" ales arprennent leu canchons
et si y existe aujourd'hui des radios comme "radio nostalgie" et d'autes ché qui avot quand meme eune certaine qualité musicale