Les jardinsché cours
par minloute le, 13/05/2006quand qu' t éto galibot , quand j a comminché j allo aux cours au cent' ed formation , cha a duré d' 15 à 18 ans
alors ti allo pas toudis, l' vendredi t avo un mot sur tin casque , chéto marqué qu' té devo aller l' lundi au cente
là bo t appreno tin métier , chéto comme l alternance achteure, t appreno à faire ech boisache, chéto l' premiere cosse que t appreno ouais pasque ch' galibot quand qui commincho , d abord i porto ch' matériel, pi aprés i travaillo avec ch' boiseur, ch' boiseur chéto souvint un mineur qui avo djà eune paire d années dinch' fond mais qui éto pu assez fort pour faire l abattache , alors t appreno avec li, i connaisso tout in appreno au cent' à boiser avec ch' bo , chéto pu trop courant quand meme , t appreno à faire d' zentales dinch' bos, chéto pour faire des gorches ed loup que cha s app'lo pi aussi ché zétançons , chéto comme d' zétais métalliques, pi aprés i avo ché cades, ché cades metalliques qu in metto pour sout'nir l'veine, chéto des cades qui zétotent arrondies pour printe l' forme del veine , ah i fallo aussi apprinte à calculer l' longueur d' ché zétinçons pour que cha so assez long pour sout'nir l' veine quand qu on allo met' ché cades metalliques
alos au cent' t y allo 8 jours, 15 jours, pi au bout quand que t avo 18 ans té sorto d' là této 9ème, t éto aide mineur, pour simplifier quand qu ' t éto 9eme té toucho en gros 90 pour cent du salaire du mineur qui li éto classé 10
