Les jardinsché gulots Annie DP
par annie62110 le, 05/06/2006Ch'que j'vais vous raconter cha s'est passé y a au moins cinquante ans.
Din ché cités, ch'garde des mines yeto garant d'el propreté, aussi quand eune femme al nettoyo pas l'gulot (le ruisseau) devant s'maison al risquo ed prindre eune amende, comme à l'époque toutes ché iaux usées al coulotent din l'cité, cha sinto pas toudi la rose.
Ch'jour là eune voisine, al avo fait sin samedi et tout yeto propre, eune heure après ch'garde y tape a s'porte, yavo un tas d'saloperies din sin gulot.
Cheto pas compliqué d'comprindre que cha v'no d'el maison à coté,y n'a quis'imbarassotent pas, et qui laissotent leurs saloperies din l'gulot de ch'voisin. C'qui s'in suivit ché indéscriptible, ché deux femmes concernées al zont comminché à s'ingueuler d'tous les noms, avec ech'garde au milieu, ché coups d'balai y pleuvotent, sin képi y'a volé din?.....CH'GULOT!!!
Y'a fallu un sacrè bout d'temps pour que cha s'calme, tout l'cité al eto dehors! Ché curieux mais pindant in momin ch'garde y'a pas trainé din ch'coin!!!!!
