Les jardinsché buchettes Annie DP
par annie62110 le, 16/06/2006Ach't'heure au C.P y z'apprennent à compter avec des buchettes in plastique qu'in acate al l'librairie.
Mi mes buchettes chéto du bos d'fosse, et ché min père qui m'les faiso. Chéto un virtuose du bos cassé, faut dire qu'al l'vitesse ou m'mère al le brulo yavo des manches à mettre.
Pour arvenir à nos buchettes, papa i preno eune belle raccourche et i copo eune ou deux fines tranches in plein milieu, après avec sin coutiau i faiso comme des grosses allumettes et i les frotto bien al l'toile émeri, pour que j'rintre pas d'échardes din mes tiotes mains, quand y avo fini i les metto à l'même longueur et i m'faiso un tiot fagot qu'i intouro avec un élastique, et jéto fin prète pour faire du calcul, mi j'avo toudi des belles buchettes fabrication maison!!
Nous aussi in faisot comme cha à l'maison, tout étot fait à partir d'inne raccourche et toutes nos buchettes étotent rassemblées avec inne élastique et in inménot cha à l'école.
Et ch' peux dire que ch'est grace à cha qu'j'sais compter.
J'cros que j'va pu vite sans calculette.
