Les jardinsel quinzaine
par annie62110 le, 02/07/2006J'vous apprindrais rien in vous rapp'lant que ch'mineur yéto payé tous les quinze jours.
Quand min père yeto du matin em'mère al m'invoyo caire ché sous à l'époque j'avo p't'etre 14ans et j'avo horreur ed'cha
faut dire que l'indro où y payotent cha avo tout de l'prison, des grilles des grosses portes in fer, comme y payotent in liquide yavo aussi des flics, in plus y'a des momins y fallo que j'va caire el fiche ed paye ché ch'comptable, heureus'mint qui m'avo vue grandir, parc'que si cha avo été un autre vu m'n'âge j'l'auro sur'min pas eue.
Après j'allo faire la queue yavo plusieurs guichets avec des numéros sur présintation d'el fiche in éto payé, et ché la que j'commincho à avoir peur, j'éto tranquille qu'arrivée à m'maison
sur la route j'rincontro des femmes qui allotent r'caire leurs zhommes au bistrot avant qu'y dépins'tent eune partie d'leurs sous, faut dire que ché troquets y fleurissotent autour d'el fosse
j'cros que l'pire pour mi ché quand min père y rintro et qu'su s' fiche y s'apercevo qui li minquo ses heures ed'rabiot, la chéto dur car din m'tiote tiéte j'preno cha pour mi!
et bin vite j'raviso su ch'calendrier si al prochaine quinzaine cha s'ro core à mi d'y aller.
