Les jardinsdéchinte à Bruay
par minloute le, 20/10/2006ouais nous in dijo qu' in allo à Bruay, pourtant in i habitot, mais i fallo ardéchinte toute el cote des grands bureaux pour arriver vers l' centre ville
quand qu' on y artourne d' abord, j' su toudis frappé par tous ché commerces del rue Anatole France qui sont freumés, i reste pu que ch' dépot d' pain tabac et l' framacie
in haut del cote des grands bureaux l'estation essence ale est rasée, ché grands bureaux abattus
pi c' qui choque dins l' cent' ville ché qui a pu personne, oh j' dis pas qui a d'l' herpe qu' ale pousse dins ché trottoirs, mais ché surtout l' monte ou plutot l' absence ed monte qu' in croise dins ché rues qui est vraimint frappante, vous m' direz , pourquo aller au centre ville achteure , à moins d'aller al' mairie, tous les zautes commerces enfin ceux qui restent té peux les trouver aussi si té fais tes courses à mon cora .........
ché pour cha que j' préfére cor passer par l' rue Raymond Deruy, passer par ch' pont du 2 , armonter prés des zabattoirs , armonter l' plache l' Herminier et arriver sur l' plache d' l' hotel de ville
que d' corons démolis, que d' espaces verts créés, pour pu grand monte vous m'direz
mais faut viffe avec son temps, Bruay i d'vient eune cité dortoir en partie, ché gins i vont travailler sur Lille ou Lens zavez qu' à vire au matin ché trains régionaux, ché rempli
mais in peut rin n' y faire, pour chti qui est né y a eune vingtaine d' années ichi, i peut pas s' douter comme cha pouvo et' eune fourmillère , comme cha vivo, comme ché marchés i zétotent rimplis mais bon ché pas la peine ed braire , cha r'viendra jamais comme avant ....
